मर्चवार । मर्चवार लिफ्ट सिँचाई जल उपभोक्ता संस्था मूल समितिका अध्यक्ष राजेन्द्र यादवले निर्माण भएको प्रत्येक नहर र कुलोमा पानी पु¥याउने बताएका छन् । हालै सम्पन्न निर्वाचनबाट निर्वाचित उनी सपथ ग्रहण गर्दै सो कुराको प्रतिबद्धता ब्यक्त गरेका हुन् ।
उनले भने ‘हाम्रो अनुहार हेरेर मर्चवारका किसानले निर्वाचित गराएका होइनन् । जहाँ सम्म नहर निर्माण भएको छ त्यो क्षेत्रका हरेक किसानलाई आवश्यक समयमा नियमित पानी पु¥याउने जिम्मेवारी दिएर निर्वाचित गराएका हुन् ।’ वर्षौदेखि जीर्ण अवस्थामा रहेको नहरलाई परिवर्तन गर्नको लागि मूल समितिको नेतृत्वलाई मर्चवारका किसानले परिवर्तन गरको उनले बताए । किसानले गरेको अपेक्षा सतप्रतिशत पुरा गर्ने उनले बताए । मर्चवारमा रहेका तीनवटा स्थानीय सरकारसँग नियमित समन्वय गरी आवश्यक बजेटको ब्यवस्थापन गरी नहरको सरसफाई, मर्मत गरी नियमित पानी संचालन गर्ने अध्यक्ष यादवले बताए ।
नहरलाई ब्यवस्थित तथा नियमित पानी संचालनका लागि स्थानीय, प्रदेश तथा केन्द्र सरकार सहित हरेक किसानको सुझाव सल्लाह र समन्वयको आश्यकता रहेको अध्यक्ष यादवले बताए ।
Right 👍