मर्चवार । रुपन्देहीको मर्चवारबाट सशस्त्र प्रहरी जवान घुस रकम सहित पक्राउ परेका छन् । भारतबाट भन्सार छली गरी अबैध रुपले कपडा तथा किराना सामान ल्याउ सहजीकरण गरिदिने भनी सशस्त्र प्रहरी बल मझगावाँमा कार्यरत प्रहरी जवान यम बहादुर खत्री पक्राउ परेका अखतियार दुरुपयोग अनुसन्धान आयोगका प्रबक्ता राजेन्द्र कुमार पौडेलले जानकारी दिएका छन् ।
सहजीकरण गरिदिने भनी सेवाग्राहीसँग १५ हजार घुस÷रिसवत माग गरिरहेको भन्ने सूचना एवं उजुरी निवेदनका आधारमा अख्तियार दुरुपयोग अनुसन्धान आयोगको कार्यालय, बुटवलबाट खटिई गएको टोलीले उनलाई उक्त रकम सहित कोटहीमाई ५ मझगावाँबाट पक्राउ गरेको प्रबक्ता पौडेलले जानकारी दिएका छन् । उनलाई नियन्त्रणमा लिई थप अनुसन्धान भइरहेको आयोगका प्रबक्ता पौडेलले जानकारी दिएका छन् ।
धेरै राम्रो काम यस्तो घुसियालाई चाहिँ जीवनभरि कारागारमा पुस्नुपर्छ।