मर्चवार सन्देश
रुपन्देही जिल्लाको भैरहवा सिद्धार्थ नगर नगरपालिका वडा नम्बर ०४ स्थित श्री राम जानकी हनुमान मन्दिर परिसरमा आउँदै गरेको हिन्दू हरूको महान् छठ पर्वलाई भव्य, सभ्य र व्यवस्थित रूपमा मनाउने उद्देश्यले विभिन्न धार्मिक संघसंस्थाका प्रतिनिधि तथा समाजका अगुवाहरूसँग विशेष छलफल कार्यक्रम सम्पन्न भएको छ।
छलफल कार्यक्रममा छठ पर्वको तयारी, पूजा व्यवस्थापन, सरसफाइ, सजावट, सुरक्षा तथा सि.सि. टीवी कैमरा, प्रसाद वितरण हरूको सुविधालगायतका विषयमा विस्तृत छलफल गरिएको थियो।
साथै, छठ पर्वलाई धार्मिक आस्था, सामाजिक एकता, आपसी सद्भाव र सांस्कृतिक पहिचानको प्रतीकका रूपमा भव्यताका साथ मनाउन सबैले आ–आफ्नो ठाउँ र क्षेत्रबाट सहयोग र सहकार्य गर्ने प्रतिबद्धता व्यक्त गरेका छन्।
छलफलका क्रममा श्री राम जानकी हनुमान मन्दिर सेवा समितिका अध्यक्ष नरेन्द्र प्रसाद रौनियारले छठ पर्वलाई सफल, व्यवस्थित र ऐतिहासिक रूपमा सम्पन्न गर्न सम्पूर्ण धार्मिक संघसंस्था, समाजसेवी, बुद्धिजीवी तथा स्थानीयवासी हरूसंग सहयोगको अपेक्षा गरे ।
उहाँले सबैको सामूहिक प्रयास, सहकार्य र सहभागिताबाट यस वर्षको छठ पर्वलाई अझ भव्य र स्मरणीय बनाउने विश्वास व्यक्त गर्नुभयो
