अमित चौहान
लुम्बिनी÷ लुम्बिनी सांस्कृतिक नगरपालिका वडा नम्बर ६ पर्साको गौतम बुद्ध होटेलमा पत्रकार सम्मेलन गरि लुम्बिनी नव युवा क्लबका अध्यक्ष अहमद हुसेनले इन्डो नेपाल क्रिकेट टुर्नामेन्ट पीएलपीएल सिजन ६ भोली माघ १३ गते शनिबारदेखि सुरु हुने भएको बताएका छ्न ।
लुम्बिनी नव युवा क्लबको आयोजनामा लुम्बिनी सांस्कृतिक नगरपालिका–३, पडरिया खेल मैदानमा क्रिकेट टुनामेन्ट पीएलपीएल सिजन ६ प्रतियोगिता हुन गईरहेको आयोजकले बताएको छ । क्लबले माघ ११ गते लुम्बिनीमा पत्रकार सम्मेलन गरी २० दिनसम्म प्रतियोगिता संचालन हुने जानकारी गराएको छ ।
लुम्बिनीमा भारत र नेपालका क्रिकेट टिम सहभागी हुने भएकोले ईण्डो–नेपाल क्रिकेट प्रतियोगिताको आयोजना हुने भएको छ । प्रतियोगितामा भारतका १६ टिम र नेपालका १६ टिम गरि ३२ वटा टिमको सहभागीता रहने आयोजकले बताएका ।
स्थानिय स्तरबाटै खेलाडीहरुलाई प्रोत्साहन गरि क्रिकेट खेल प्रति मनोबल बढाउने उद्देश्यले पडरिया लुम्बिनी प्रिमियर लिगको नामले प्रतियोगिता हुदै आएको छ । अहिले हुन गइरहेको प्रतियोगिताको छैठौं अस्तरको हो ।
प्रतियोगितामा भारतको गोरखपुर, बनारस, सिद्धार्थनगर लगायतका जिल्लाबाट टिमहरु दर्ता भएको आयोजक लुम्बिनी नवयुवा क्लबका अध्यक्ष अहमद हुसेनले बताए । यस्तै नेपालबाट सिरहा, मर्चवार लुम्बिनी कपिलवस्तु नेपालगञ्ज लगायतका विभिन्न स्थानबाट टिमहरु प्रतियोगितामा भाग लिने अध्यक्ष अहमदले बताएका छन् ।
यस प्रतियोगिताको पुरस्कार राशी पनि बढाईएको अहमदले बताए । पहिलो पुरस्कार २ लाख र दोश्रो पुरस्कार १ लाख , यस्तै बेस्ट बलर, बेष्ट ब्याटर, म्यान अफ द म्याच, अनुशासित टोली लगायत सेमी फाईनल पुग्ने अन्य टोलीलाई पनि पुरस्कारको ब्यवस्था रहेको अहमदले जानकारी दिए ।
यस पाली प्रतियोगितामा करिब २० लाख खर्च लाग्ने उनले बताएका छन् । प्रतियोगितालाई प्रदेश खेलकुद परिषद् संगै लुम्बिनी सांस्कृतिक नगरपालिका लुम्बिनी विकास कोष विदेशमा रहेका युवाहरु संघ संस्था समाजसेवी होटलहरु लगाएतका स्थानियहरुको सहयोग संकलन भइरहेको अध्यक्ष अहमदले बताएका छन।
