मर्चवार । रुपन्देहीको मर्चवारी गाउँपालिका वडा नं. ३ महराजगंजकी ४५ वर्षीय प्रमिला यादवको मृत्यु भएको छ । आज सोमबार बिहान करीब ७ बजे खेतमा काम गर्न जाने क्रममा उनको मृत्यु भएको इलाका प्रहरी कार्यालय मर्चवारले जनाएको छ ।
घरदेखि १०० मिटर पुर्व उनलाई चट्याङ लागेपछि उनलाई उपचारका लागि भिम अस्पताल भैरहवा लगिएको र अस्पतालले मृत्यु घोषणा गरेको इलाका प्रहरी कार्यालय मर्चवारका प्रहरी निरीक्षक घनदेव साउदले बताए ।
शवलाई पोष्टमार्टम गरी अन्तिम संस्कारका लागि उनको परिवारको जिम्मा लगाइएको उनले जानकारी दिएका छन् ।
