काठमाडौँ । पेट्रोलियम व्यवसायीहरुले आन्दोलनका कार्यक्रम फिर्ता लिएका छन् । शनिबार नेपाल आयल निगमसँग चार बुँदे सहमति भएपछी उनिहरुले आन्दोलनका कार्यक्रम फिर्ता लिएका हुन् । राष्ट्रिय पेट्रोलियम व्यवसाय संस्थागत समन्वय समितिका मागहरु ७ दिनभित्र उचित निष्कर्ष निकालिने सहमति निगमसंग भएपछी आन्दोलन फिर्ता लिने सहमति बनेको हो ।
जससंगै अब उपभोक्ताहरूलाई सहज र सरल ढङ्गले पेट्रोलियम पदार्थ उपलब्ध गराउन निगमका सम्पूर्ण डिपो कार्यालय आइतबार बिहान ८ बजेदेखिनै सञ्चालन हुनेछन् । बाह्य तथा आन्तरिक ढुवानी साधनको भाडामा डिजेलको मूल्य अनुपातमा घटबढ हुने गरी स्वचालित भाडा कायम गर्न माग गर्दै व्यवसायीहरु एक हप्तादेखि आन्दोलनमा थिए ।
