भैरहवा । भैरहवा स्थित युनिभर्सल कलेज अफ मेडिकल साईन्सेजमा फेला परेको प्रेसर कुकर बमलाई नेपाली सेनाले डिस्पोज गरेको छ ।
मेडिकल कलेजको मालीले रुख काटिरहेको अवश्थामा बिहान करिब साढे १० पुरानो प्रेसर कुक बम फेला परेको जिल्ला प्रहरी कार्यालय रुपन्देहीका प्रवक्ता प्रहरी नायब उपरिक्षक सुरज कार्कीले जानकारी दिए । “बम पुरानो र खिया लागेको अवश्थामा थियो, नेपाली सेनाले त्यसलाई पड्काएर डिस्पोज गरेको छ ।” कार्कीले भने “कसले र कहिले राख्यो यो विषयमा केही खुलेको छैन, अनुसन्धानको क्रममै रहेका छौं ।”
प्रेसर कुकरको ह्याण्डलाई डोरीले बाधेर त्यसमा घडी ब्याट्री लगायतका उपकरण जडान गरिएको थियो । ब्यागमा राखेको अवश्थामा कुकर बम फेला परेपछि मेडिकल कलेजले जिल्ला प्रशासन कार्यालयलाई उक्त बस्तु हटाउन आग्रह गरेको मेडिकल कलेजका जनसम्पर्क अधिकृत शुसिल गुरुङ्गले जानकारी दिए ।
बमलाई भैरहवा स्थित कालीभक्ति गणको नेपाली सेनाले करिब १ बजे सफलतापूर्वक डिस्पोज गरेको थियो । बम डिस्पोजबाट कुनै पनि प्रकारको क्षति नभएको प्रहरी प्रवक्ता कार्कीले बताए ।
