मर्चवार न्युज
भैरहवा । सिद्धार्थनगर नगर पालिका वडा नम्बर ९ को आयोजनामा प्रथम वडा कप क्रिकेट कप प्रतियोगिता शुक्रबार र शनिबार सञ्चालन हुदैछ । वडा नम्बर ९ गोनहियामा रहेको रेडक्रसको खाली जग्गामा हुने प्रतियोगितामा ४ वटा टिमले प्रतियोगिता गर्दैछन् ।
वडा सचिव अब्दुल रसिद पठानका अनुसार प्रतियोगितामा गोलीगढ क्रिकेट क्लब, कठौतिया क्रिकेट क्लब, उदयपूर क्रिकेट क्लब र मिश्रौलिया क्रिकेट क्लबले टिम दर्ता गराएका छन् । उनले टिम दर्ताको लागि अझै समय रहेको हुदा वडा नम्बर ९ मा बसोबास गर्ने युवाहरुद्वारा टिम दर्ता गर्न आग्ह गरेका छन् ।
वडा नम्बर ९ मा क्रिकेट खेलाडी उत्पादन गर्ने उद्देश्य सहित वडा कपको आयोजना गरिएको वडा अध्यक्ष शेषकान्त भण्डारीले जानकारी दिए । “वडा नम्बर ९ मा क्रिकेट खेलाडीको सम्भावना बोकेका धेरै युवाहरु छन् ।” भण्डारीले भने “प्रतियोगिताले यस्ता खेलाडीलाई नगर जिल्ला हुदै राष्ट्रलाई नै प्रतिनिधित्व गरुन भन्ने हाम्रो उद्देश्य हो ।”
