अछाम । माटोको ढिस्कोले पुरिएर एक जना महिलाको मृत्यु भएको छ ।
घर पोत्ने माटो खन्ने क्रममा ढिस्कोले पुरिएर अछामको मंगलसेन नगरपालिका ७ कि धनसरा जैसीको मृत्यु भएको हो । जिल्ला प्रहरी कार्यालय अछामका अनुसार चैते दशैँका लागि घर लिपपोत गर्न माटो खन्दा खाडलमा पुरिएर जैसीको मृत्यु भएको हो ।
जाल्पादेवी सामुदायिक वन क्षेत्रमा भएको उक्त घटनामा घाइते भएकी ४ वर्षीया बालिका चन्द्रा जैसीको जिल्ला अस्पताल मंगलसेनमा उपचार भइरहेको प्रहरीले जनाएको छ ।
